Во центарот на Прилеп, кај Јарболот, и за денеска (сабота, 7 февруари) за точно напладне (12 часот) најавен е собир на фудбалските љубители, приврзаниците на Фудбалскиот клуб Победа. Јарболот, всушност, е само зборно место, почетно место за собирање, а потоа можно е оттука да се посети некоја институција и сл. Низ градот Прилеп се дискутира за собирот, а некои мислат дека претходните собири не беа масовни оти се раширила шпекулација дека секој што присуствува на тие собири е политички определен и таква политичка е намерата на сите во групата. Во врска со ова веднаш може од секого да се добие демант – на собирите нема никаква политика, се е кристално чисто, се е 100 проценти фудбалско, се дава само поддршка на постоењето на сегашниов ФК Победа, а се упатува несогласување со неговото згаснување. Се е чисто, најфудбалско и секоја друга карактеристика за собирот е само обид тој да не успее. За денеска (сабота, 7 февруари) се смета оти ќе биде најмасовен, бидејќи е петти по ред, во неработен ден и во сабота – пазарен ден, а и Бог помага со топлината и Сонцето преку целиот ден.
Значи, сите (жени, мажи, стари, млади) што не можат да го замислат Прилеп без Фудбалскиот клуб Победа, што не се согласуваат со ова што се случува – денеска во 12 часот се добредојдени кај зборното место – Јарболот, во центарот на Прилеп.
