Навистина храбар потег е денешниот, појавувањето на првиот пролетен второлигашки меч, на домашната Победа, ако се знае дека прилепската екипа на располагање имаше само фудбалери со статусот младинци, вкупно 15. Меѓу нив најмладите беа дури со по 16 години – вкупно петмина: Кренар Сулемани, Гоце Кузманоски, Арсениј Солевски, Филип Петрески и Давид Здравески. А и другите не се многу повозрасни, меѓу 17 и 19 години. Највозрасниот, капитенот Кристи Крајоски, има 19 години, бидејќи 20 години ќе наполни напролет, на 14 мај. За споредба, највозрасниот кај Новаци е со 34 години, Петар Љамчевски, кој 35 години ќе полни на 8 август. Од друга страна, мора да се знае дека самото појавување на екипата Победа е гест со кој се спречува најавеното самозапалување на најголемиот навивач, пензионерот Кире Иваноски – Балче. По завршувањето на мечот силни аплаузи од целата екипа Победа беа упатени кон Балче, а и обратно, од Балче и другите навивачи кон Победа, без оглед на резултатот.
Всушност, со еден вака млад играчки кадар и без некакви услови за квалитетни подготовки, а во секојдневни дискусии околу тоа дали сениорската екипа да учествува или воопшто да не се појави во пролетниов дел од Втората лига, не можеше да се очекува поволен резултат денеска дома со Новаци, во ова 16. коло. Успех е, како што многупати споменавме, самото појавување на прилепскиот тим на теренот од Градскиот стадион „Гоце Делчев“. Ако сето зимава што се случуваше се земе предвид, не е никакво изненадување тоа што гостинскиот тим победи со 0:5 (0:4). Стрелци: Стефан Јовановски 30 и 37, Лука Лисолајски 35, Христијан Драгарски 44, Марко Лозановски 70. Од домашниот тим се очекува да биде се подобар и подобар во секој нареден меч, бидејќи ќе има тренинзи, а најверојатно и приклучување на уште неколку фудбалери како засилувања.
ПОБЕДА: Виктор Анѓелевски, Матеј Талески, Давид Паскоски (85. Давид Здравески), Кренар Сулемани (77. Далијан Волчески), Кристи Крајоски, Димитар Шаркоски (46. Филип Петрески), Леонид Митрески, Гоце Кузманоски, Арсениј Солевски, Гоце Петрески (77. Теодор Ѓероски), Андреј Петрески. Тренер: Кирил Овезоски.
НОВАЦИ: Николче Симоновски, Стефан Стефановски, Христијан Драгарски (46. Стефан Секирски), Лука Лисолајски, Христијан Торнески, Мартин Пивковски (65. Иванчо Јовановски), Стефан Јовановски (46. Марко Лозановски), Марио Дебрешлиоски, Антонио Марцевски (65. Горјан Груевски), Петар Љамчевски (46. Стефан Каревски), Мартин Богданоски. Тренер: Дарко Крстески.
РЕЗУЛТАТИ 16. КОЛО: Победа – Новаци 0:5, Тетекс – Вардар Н. 2:0, Кожуф – Брегалница Ш. 2:0, Осогово – Саса 1:0, Шкендија А. – Преспа 4:1, Беласица – Охрид 0:1, Слога В. – Скопје 0:4, Детонит – Големо Коњари 6:0.
ТАБЕЛА: Охрид 39, Шкендија А. 38, Брегалница Ш. 33, Скопје 32, Беласица 31, Новаци 30, Детонит 29, Осогово 27, Кожуф 25, Тетекс 20, Саса 17, Вардар Н. 12, Победа 11, Преспа 9, Слога В. 7, Големо Коњари 3.
СЛЕДНО 17. КОЛО (28 февруари во 14 часот): Големо Коњари – Слога В., Саса – Победа, Детонит – Тетекс, Скопје – Беласица, Охрид – Шкендија А., Преспа – Осогово, Новаци – Кожуф, Брегалница Ш. – Вардар Н.
