Проблемот со немање сала или термини за тренинзи го чувствуваат повеќе спортови во Прилеп, така што не е изненадување што се спомнува и во кошарката. Салата е главен фактор врз негативните резултати на екипата Мега баскет, во Плејофот (Топ 8) од Првата лига на Македонија, вклучително и последниот пораз дома од штипските Соколи. Резултатот е 88:106 во полза на гостите.
Во периодот додека се тренираше редовно екипата Мега баскет имаше успех и влезе во Плејофот, меѓу осумте најдобри екипи од двете прволигашки групи, но откога е проблемот со салата, термините за тренинзи, оттогаш се заредија поразите. За споредба – играчите на Соколи тренирале 8 до 10 пати неделно, а Мега баскет 8 до 10 пати месечно. Термините од 21 или 22 часот се предоцна, според кажување на инволвирани во прилепската кошарка.
Затоа и последниот неуспех дома со 88:106. Без тренинзи не може подобро. Отпорот во салата од ОУ „Добре Јованоски“ беше само во првата четвртина, додека победникот се знаеше уште на полувремето, со резултатот 33:57.
РЕЗУЛТАТИ 6. КОЛО: Мега баскет – Соколи 88:106, Вардар – Бутел 93:90, Водно санс – Струмица 88:106, Охрид – Борец баскет 77:76.
ТАБЕЛА
СЛЕДНО 7. КОЛО (28 март): Струмица – Мега баскет, Борец баскет – Вардар, Бутел – Охрид, Соколи – Водно санс.
