Фидемајсторот Роберт Велески од Прилеп учествува на силниот Меѓународен турнир „Опен Залакарош“ во Унгарија од 23 до 31 мај. Досега одлично се држи со 3 поени од 4 партии – има само 1 пораз, од ФМ Ференц Гомбош од Унгарија, а 3 победи – со Лукаш Зугмонд и Доминик Марта од Унгарија и со Павел Бауер од Чешка. Денеска е 5. рунда, а противник на ФМ Роберт Велески е ФМ Бенке Лешко од Унгарија.
Меѓу 60 шахисти најмногу поени (по 3,5) досега освоија петмина: ВМ Азел Гергели од Унгарија, ФМ Матја Остовиќ од Хрватска, Бин-Сухајл Лејса од Италија, ВМ Владимир Охотник од Франција и ВИМ Марија Зубова од Украина.
Последното коло е предвидено за в недела.
