Некогаш во исти ранг беа Победа и 11 Октомври, подоцна се приклучи и Корзо, а сега во таа улога е Големо Коњари, како претставник на ОФС Прилеп. Во рамките на 6. рунда од Втората лига на Македонија, на Градскиот стадион „Гоце Делчев“ во Прилеп се игра локалното дерби Победа – Големо Коњари. И едниот и другиот тим есенва немаат победено, па затоа се очекува меѓусебна пресметка што ќе ги задоволи многубројните гледачи.
– Прилеп за мене останува најфудбалскиот град. Очекувам публика онолку колку што заслужува едно прилепско локално дерби. Нашите момчиња се мотивирани, работевме целава недела, се подготвувавме, редно е да ги освоиме првите бодови. Домаќините од Победа имаат тренерска промена, за жал, и тие, како ние, не успеаја во првите пет кола да го дадат максимумот. Ние во врска со Победа сметаме дека е на наше ниво и дека можеме да одиграме. Засилени со тројца – двајца од Слога Лажани, еден од Младост Кривогаштани, одиме на победа. Сепак, во врска со составот, последниот денешен тренинг е најважен, за да видиме кои 18 ќе ни бидат на располагање – вели Јовица Блажески, шеф на Стручниот штаб на Големо Коњари.
ДВОЈКИ за 6. коло на 27 септември во 15 часот, освен за Тетекс – Беласица на 28 септември во 15 ч.: Победа – Големо Коњари, Новаци – Саса, Шкендија А. – Слога В., Осогово – Детонит, Кожуф – Скопје, Вардар Н. – Охрид, Брегалница Ш. – Преспа.
ТАБЕЛА
- Брегалница Ш. 13
- Беласица 13
- Кожуф 11
- Шкендија А. 11
- Скопје 10
- Новаци 9
- Охрид 8
- Детонит 7
- Осогово 7
- Тетекс 6
- Вардар Н. 6
- Саса 5
- Слога В. 3
- Преспа 3
- Победа 1
- Големо Коњари 0.
