Убави најави во врска со ракометниот суперлигаш Прилеп. Дознаваме дека имало интерес за влегување во клубот на генерален спонзор, финансиер. Но, за ова треба да се причека. Дека клубот се движи во вистинска насока потврда е тоа што пролетоска на убедлив начин го задржа суперлигашкиот статус, а летово на два месеца пред почетокот дава поддршка на Организациониот одбор за Меморијалниот меѓународен турнир „Миле Нешковски“.
Дознаваме дека имало преговори со понуди и се чекаат само одговорите на новите потенцијалните засилувања од земјава и од странство. Досега потпишаа пикерот Томче Трајчевски (Радовиш) и левиот бек Никола Цветаноски (Струга). Во врска со местото шеф на Стручниот штаб во опција се двајца докажани стручњаци.
