Екипата на Победа се врати од Северна Ирска, каде избори достижен резултат (минимален пораз од 3:2) со домашниот Колерајн, на првиот меч од 1. коло на Младинската лига на шампионите од УЕФА. Претстои реванш в среда во Скопје и оптимизам за пласман во втората рунда. Од прилепскиот клуб информираат дека младинската екипа три дена ќе престојува во Скопје, од понеделник до среда, каде тој ден во 14 часот на Тренинг-центарот од ФФМ „Петар Милошевски“ е возвратниот натпревар.
Гостите од Северна Ирска најавија долго патување кон Македонија. Прво се спомнуваа Лондон и Брисел како можни попатни дестинации, сега и Истанбул.
